Aji pou gen rezon
Nou gen sevo pou n
reflechi, epi pou n konprann. Nou gen tou yon ko fizik pou nou aji ou reyaji
suivan sa n konprann.
Men konnen, epi
toujou sonje sa : Aksyon nou, pawol k ap sot nan bouch nou, komandaman n ap bay
lanati, yo tout yo gen yon dimansyon mistik. Kidonk : TouT sa n fè, tout sa
n di, yo gen pouvwa nou nou, sou branch nou, fèy nou, e anviwonnman nou ! Kit yo baze sou bon
konprann sevo n ban nou, kit se agisman malis malis nou pou n defann enterè
mesken nou.
Nou tout pi piti pase
sa nou fè ak sa nou di. Nou se dye apre Dye. Sa vle di pouvwa se tankou yon
loray ki gwonde, l ale l tounen, li brase isit li brase lòtbò. Se tann pou tann
li fin renzonnen.
Se menm jan tou yon
mo sot nan bouch nou, zon zak nou fè nou pa gen ni kapasite, ni pouvwa pou n rekipere
yo nan lanati ! Yon son ki sot nan bouch nou, nou ka regrèt nou te lache l,
nou ka menm anvi bay lò ak diaman pou n fè tounen anndan gojèt nou men li soti,
li soti nèt. Se tann pou n ret tann efe l, si l poko manifeste l. Se menm bagay
la pou sa n ap fè ak jan n ap aji.
Ou anvi aji, enben, reflechi ankò avan w aji !
Jean Laforest Visene
Gid Ontò
